Naniniwala kami na ang mga driver at rider ang tunay na gulugod ng modernong transportasyon. Araw-araw silang humaharap sa trapik, pagod, mataas na presyo ng gasolina, at iba't ibang hamon sa kalsada upang maihatid nang ligtas ang kanilang mga pasahero.
Ngunit alam din natin na hindi palaging pareho ang bawat biyahe. May mga pagkakataong naaantala dahil sa matinding trapik, may mga karagdagang hintuan, o may mga pakiusap ang pasahero na hindi agad nakikita ng sistema. Dahil dito, hindi laging nasasalamin ng nakatakdang presyo ang tunay na oras, distansya, at pagsisikap na inilaan ng driver o rider.
Bilang mga dating TNVS operators at drivers, nauunawaan namin ang realidad na ito. Kaya binuo ang Kalugar Ride bilang isang alternatibong marketplace kung saan maaaring magkasundo ang pasahero at driver sa presyong kapwa nila itinuturing na patas bago magsimula ang biyahe.
Simple ang konsepto: Magbibigay ng alok ang pasahero, at ang driver o rider ang magpapasya kung ito ay sulit at makatarungan. Kapag nagkasundo ang dalawang panig, saka lamang magsisimula ang biyahe.
Hindi ito kapalit ng Grab o iba pang ride-hailing platforms. Sa katunayan, maaaring gamitin ng mga kasalukuyang riders at drivers ang Kalugar Ride bilang karagdagang pagkakakitaan sa kanilang libreng oras. Isang dagdag na oportunidad upang kumita habang may kalayaan silang pumili ng mga biyaheng nais nilang tanggapin.
Walang pilitan. Walang sapilitang presyo. Mas malayang pagpili para sa driver, at mas patas na kasunduan para sa lahat.
TIP SA PAG-BOOK: Para mas mabilis ma-detect ng Google Maps ang iyong lokasyon, ilagay muna ang Barangay at Lungsod (hal. BF Homes, Parañaque). May hiwalay na field para sa eksaktong bahay, kalye, at iba pang detalye ng address.
